Pershkrimi i trajnimit

Ky program trajnimi eksploron integrimin e Inteligjencës Artificiale (AI) në menaxhim të projekteve. Pjesëmarrësit do të mësojnë rreth zhvillimit të AI dhe aplikimet e saj aktuale në fushën e menaxhimit të projekteve, në ketë mënyrë duke fituar njohuri si në aspektin teorik ashtu edhe në atë praktik. Kursi do të mbulojë teknologjitë dhe vegla të bazuara në AI që përmirësojnë planifikimin, ekzekutimin, monitorimin dhe raportimin e projektit, duke përgatitur pjesëmarrësit që të përdorin në mënyrë efektive vegla për rezultate të përmirësuara të projektit.

Pjesëmarrësit do të njoftohen me një sërë mjetesh të AI përmes sesioneve të detajuara që demonstrojnë se si AI mund të automatizojë detyrat e zakonshme dhe të përsëritshme, të sigurojë analiza të sofistikuara dhe të lehtësojë vendimmarrjen strategjike. Studimet e rasteve të ndryshme (case studies) nga bota reale do të shqyrtohen për të treguar aplikimin e suksesshëm të AI në industri të ndryshme, duke theksuar analitiken parashikuese dhe sistemet e automatizuara të raportimit që optimizojnë performancën e projektit.

Struktura e kursit është interaktive dhe përfshin pjese praktike me teknologjitë e AI. Pjesëmarrësit do të angazhohen në demonstrime të drejtpërdrejta dhe ushtrime në grup, duke aplikuar mjetet e AI për skenarë të simuluar.

Në fund të trajnimit, pjesëmarrësit do të pajisen me njohuri të mjaftueshme për të zbatuar AI në praktikat e tyre të menaxhimit të projekteve, duke rritur efikasitetin dhe avantazhin konkurrues individual. Gjithashtu pritet që pjesëmarrësit do të jenë të përgatitur për të adresuar aspektin etik dhe sfidat e mundshme, për përdorim te përgjegjshëm të teknologjive të AI në projektet e tyre.

Pas përfundimit të trajnimit secili pjesëmarrës merr certifikatën zyrtare të Next Academy Certificate of Completion e cila mban (Unique Serial Number) Numrin Serik Unik për kandidatin dhe regjistrohet në data bazën e Next Academy. Pas përfundimit të trajnimit të gjithë pjesëmarrësve do t’ju ofrohet edhe asistencë në pyetje përgjigje edhe 2 jave pas.

C'ka do te mesoni?

Zhvillimi i AI dhe roli në menaxhim të projekteve.

Si përdorimi i AI po transformon detyrat dhe përgjegjësitë e menaxhimit të projektit.

Vegla dhe teknologji të rëndësishme për menaxhim të projekteve.

Aftësimi në aplikimin e drejte dhe të përgjegjshëm të AI në menaxhim të projekteve.

Kerkesat

• Njohuri bazike te punës me kompjuter.

• Njohuri te gjuhës Angleze.

• Laptop apo kompjuter personal për detyrat dhe aktivitetet në shtëpi.